Ny Vehivavy
Fampidirana
Manana sori-doloha telo sosona ny vehivavy eo amin’ny fiaraha-monina:
Ny voalohany dia mifandraika amin’ny toe-tena voa-janahary maha-vehivavy azy: ny fiterahana, arahin’ny filàna sy ny asa manokana takian’izany.
Ny andraikiny faharoa dia ny fandraisany anjara amin’ny fampandrosoana eo amin’ny sehatry ny fihariana sy sosialy: manana anjara tokoa izy amin’ny fitadiavana harin-karena fanampiny, matetika dia miasa mihoatra ny 15 ora isan’andro izy.
Tsy dia mahazo tombontsoa loatra amin’ny harin-karena faobe vokatry ny fampandrosoana anefa izy amin’izany, satria tsy manana fahefana hanapaka ny momba ny fitsinjarana ny vokatra. Tsy afaka mampiasa loatra ny loharanon-karena izy satria tsy afaka mandray anjara amin’ny fanapahan-kevitra ihany koa. Ary matetika dia tsy ankasitrahin’ny olona koa, na lahy na vavy, ny fandraisan’ny vehivavy andraikitra sy anjara amin’ny sehatry ny politika.
Paikady
Misy roa karazana ny fisehon’ny ezaka “miralenta” azo avoitra:
Ny fomba fiasa voalohany dia ny fiezahana hanamafy hatrany ny lanja sy fahefan’ny vehivavy, eo amin’ny sehatra sy trangan-javatra rehetra izay azo hanaovana izany, ao anatin’ny fampandrosoana sy ny fampiroboroboana ny demokrasia:
- Vao manomboka ny famolavolana ny asa hatao, dia efa mihevitra mialoha izay mety ho sakana na laharam-pahamehana ho an ‘ny vehivavy handray anjara ny mpiara- miombon’antoka aminy. (Raha azo atao, dia asiana vehivavy mandray anjara koa ao amin’ny vondron’ny mpamolavola ny tetikasa, mba ahafahany mampita araka ny tokony ho rariny sy hitsiny izany laharam-pahamehana izany).
- Ilaina ny mandrefy tsara ny tahan’ny vehivavy misolotena ireo namany, ao anatin’ ny lisitry ny mpandray anjara; ilaina koa ny mihevitra mialoha izay karazana fanampiana hafa tokony hatolotra manokana ny vehivavy, mba tsy ho sahirana izy amin’ny fanatrehana tanteraka sy fandraisana anjara, eo amin’ny asa atao.Ohatra: toerana voatokana ho an’ny vehivavy mampinono; fiofanana na fivoriana savaranonando manokana ho an ‘ny vehivavy, raha ilaina izany.
- Rehefa vita ny atrikasa, dia tokony hisy tondro maromaro handrefesana ny fandraisana anjaran’ny vehivavy: nanatrika teo marina ve izy, namosaka hevitra, nandrafitra ny fomba fanehoany hevitra, ary nahay nandresy lahatra tokoa ve izy? … Ny vokatry ny atrikasa dia tokony horefesina ihany koa araka ny taha nahafahana namaly ny hetaheta sy tombontsoa notononin’ireo vehivavy nandritra ny ady hevitra sy tamin’ny fotoana fanapahan-kevitra.
Ny fomba fiasa faharoa hanamafisana orina ny fahefan’ny vehivavy, dia ny fanampiana mivantana ireo fikambanam-behivavy, noho izy mpiara-miombon’antoka ka tokony hahay hitondra raharaha. Azo atao ohatra ny manampy fikambanam-behivavy miady ho an’ny fiarovana ny zo sy andraikitry ny vehivavy.
- Raha ny momba ny fanamafisana orina ny fahaiza-manao, dia miady hampitombo ny fahefany ny vehivavy, ary mianatra mizaka sy mampiasa tsara izany fahefana izany: Manorina ny vina ho an’ny hoaviny izy, miezaka mitady izay vaovao hahitana tombony, manatsara ny fahaiza-manao momba ny torohay sy laminasa rehetra mety ilainy, manokatra ady hevitra momba ny fahafahany mampiasa loharanon-karena sy mandray anjara amin’ny fanapahan-kevitra izy.
Maro samihafa ny asa azo atao hanatanterahana ny tanjona voatanisa etsy ambony ireo:
- Ampahafantarina ny lehilahy sy ny vehivavy ny momba ny zon’ny vehivavy;
- Ampahafantarina ny lehilahy sy ny vehivavy ny momba ny tranga azo arararaotina na ny zotranasa fampandrosoana tokony harahina, eo amin’ny sehatry ny fandraharahana sy ny fifampitondrana mahomby (bonne gouvernance);
- Anokafana ady hevitra ny momba ny zo sy tombontsoan’ny vehivavy ary ny fampiasany ny fahefany.
Vina momba ny fampandrosoana ny fahefan’ny vehivavy
Raisin’ny FES ho andraikitra lehibe ny manohana izay mety ho hetsika antenaina hitondra vokatsoa amin’ireto sehatra manaraka ireto:
- Mampihatra ny maha-olom-pirenena manan-jo hifidy ny vehivavy eny anivon’ny Kaominina;
- Mampisongadina ny anjara toeran’ny vehivavy sy ny fandraisany anjara feno amin’ny fampandrosoana ny sehatra fampahalalam-baovao;
- Afaka mampiasa ny loharanon-karena tsy misy ankanavaka ny vehivavy (fotoana, vaovao, famatsiam-bola, tsenam-bohitra, na faritra, na firenena, na iraisam-pirenena); afaka mandray anjara tsy misy ankanavaka amin’ny fanapahan-kevitra koa izy (fisoloantena eny anivon’ny rafitra samihafa, fandrafetan-kevitra anaty lahatsoratra, fandraisana sy fiheverana ny fanamarihana ataony mandritra ny fanatanterahana zotranasa, sns.);
- Soso-kevitra mety hahomby tokoa ho fanomanana ny solofo sy mpandimby ny mpanao politika ankehitriny ny tantsoroka atao ho an’ny vehivavy amin’ny alalan’ny ”mentoring politika”. Izany hoe, misy vehivavy sy lehilahy mpanao politika efa za-draharaha (“mentors” na mpampianatra, mpanome toro-làlana) izay manokana fotoana maharitra, mampita miandalana ny traikefany amin’ny vehivavy tanora kokoa, ho fanomanana azy hirotsaka eo amin’ny sehatry ny politika.
Articles de la Presse (un choix)
Photos de la visite de femmes parlemantaires mauriciennes à Madagascar
Arianne Navarre-Marie: Promouvoir la représentativité des femmes
(Les Nouvelles, paru le 21.11.2008)
Conference avec les femmes parlementaires mauricienne: Pour un bulletin unique
(Midi Madagasikara, paru le 20.11.2008)
(Express, paru le 20.11.2008)
Les femmes en politique - La représentativité au menu
(Les Nouvelles, paru le 20.11.2008)
(
(